18 müň 207 km ýol geçen we elde boýalan özboluşly Porsche 911 GT3 2018 satuwa çykaryldy. Satyjy dizaýnyň meşhur sungat işgärleri tarapyndan döredilendigini aýtsa-da, olaryň kimdigini aýan etmeýär diýip, Motor1.com ýazýar.
Bu sungat eseriniň bahasy 265 000 ýewro.
Awtoulag 500 at güýjüni öndürýän 4.0 litrlik hereketlendiriji bilen enjamlaşdyrylandyr. Ol 0-dan 100 km/sag tizligine 3,3 sekuntda ýetýär. Onuň salonynda karbon oturgyçlary, üç nokatly kemerler, sport hronografiýasy we Bose akustikasy bardyr.
Şeýle dizaýny bolmadyk täze Porsche 911 GT3-üň bahasy 225 000 ýewro, ýagny awtoulagyň eýesi bezeg üçin 60 000 ýewro gazanmagy tama edýär.
