Mercedes-Benz pöwrize reňkli marker çyralaryny ulanmak üçin ygtyýarnama alan ilkinji awtoöndüriji boldy. Çyralar beýleki sürüjilere, polisiýa işgärlerine we düzgünleşdiriji edaralara awtomobiliň awtomatizirlenen ýagdaýda dolandyrylýandygyny duýdurar.
Ygtyýarnama Germaniýada berildi we 2028-nji ýylyň iýul aýyna çenli hereket eder.
Pöwrize reňkli çyralar faralara, yzky fonarlara we aýnalardaky gapdal öwrüm görkezijilerine oturdylýar.
Bu reňk tötänleýin saýlanmady: ol ýolyşygynyň signallaryna meňzemeýär, aňsat kabul edilýär we dünýä ülňülerine eýýäm girizilen (SAE J3134, UNECE, China Compulsory Certification). Mercedes-Benz ony awtomatizirlenen dolandyryşyň halkara nyşanyna öwürmegi göz öňünde tutýar.
Ygtyýarnama häzirlikçe tejribe häsiýetli, ýöne onuň netijeleri şeýle ulgamlaryň mundan beýläkki düzgünleşdirilişine täsir edip biler. Şular ýaly synaglar eýýäm Newada we Kaliforniýa amerikan ştatlarynda geçirilýär.
Marker çyralary 2024-nji ýylda hödürlenen täzelenen DRIVE PILOT ulgamynda synagdan geçiriler. Ol ýoluň sag zolagynda awtonom režimde 95 km/sag çenli tizlik bilen hereket etmäge mümkinçilik berýär, bu hem ony tapgyrlaýyn çykarylýan awtomobilleriň arasynda 3-nji derejeli iň tiz ulgam edýär.
