“PSŽ” “Liwerpuly” Çempionlar ligasyndan çykardy: 1/4 finala ilkinji 4 gatnaşyjy belli boldy

  • 12.03.2025 12:58
  • 11k+

Çempionlar ligasynda 2024/2025 möwsüminiň 1/8 finalynyň jogap oýunlarynyň ilkinji güni tamamlandy. Dörtden bir finala “Barselona”, “Inter”, “Bawariýa” we “Pari Sen-Žermen” çykdy.

Ilkinji bolup “Barselona” bilen “Benfikanyň” oýny tamamlandy.

Bir hepde ozal “Barselona” azlykda “Benfikany” Rafinýanyň goly bilen utupdy (1:0). Jogap duşuşygynda braziliýaly oýunçy iki gol saldy. Ýene bir goly Lamin Ýamal öz hasabyna ýazdy, şeýle-de ol bir assist etdi. Myhmanlardan Nikolas Otamendi gol bilen tapawutlandy. Ahyrky netije – 3:1, eýýäm oýnuň birinji ýarymynda kesgitlendi.

Şeýlelikde, Rafinýa “Borussiýanyň” hüjümçisi Seru Girassiden (10) öňe geçip, häzirki Çempionlar ligasynyň bombardirleriniň sanawynda birinji orny eýeledi (11 gol). Ýamal 17 ýyl 241 gün ýaşynda ÇL-iň bir oýnunda hem gol salan, hem assist eden iň ýaş oýunçy boldy.

Agşamyň esasy gapma-garşylygynda “PSŽ” “Liwerpuly” utdy. Oýnuň esasy wagty Usman Dembeläniň goly bilen parižlileriň peýdasyna 0:1 hasabynda tamamlandy.

Parižde geçirilen birinji oýnuň hem mersisaýdlylaryň peýdasyna şeýle hasap bilen tamamlanandygy üçin, oýna goşmaça wagt goşuldy, ýöne toparlar gol geçirip bilmedi. Penalti tapgyrynda fransuz klubunyň oýunçylary has takyk boldy – 4:1.

Mýunheniň “Bawariýasy” jogap oýnunda “Baýeri” Garri Keýniň we Alfonso Dewisiň gollary bilen 2:0 hasabynda ynamly utdy (birinji oýun 3:0 hasabynda tamamlandy). Keýn bir ÇL möwsüminde 10 gol salan ilkinji iňlis oýunçy boldy.

Milanyň “Interi” jogap oýnunda Rotterdamyň “Feýenoordyny” utdy – 2:1. Ýeňijileriň düzüminde Markus Týuram we Hakan Çalhanoglu (penaltiden) tapawutlandy. Myhmanlardan Ýakub Moder gol geçirdi (penaltiden). Birinji oýun hem “Interiň” peýdasyna 2:0 hasabynda tamamlanypdy.

Şu gije Madridiň “Atletikosy” we “Real”, “Lill” we Dortmundyň “Borussiýasy”, “Aston Willa” we “Brýugge”, “Arsenal” we “PSW Eýndhowen” oýunlarynyň netijesi belli bolar.


düýn 21:35
2.4k+

Mundo Deportivo: "Barselona" transfer maksatlaryny kesgitledi: gysga sanawda — Keýn, Holland we Alwares

"Barselona" tomusky transfer penjiresi üçin ileri tutulýan oýunçylaryň sanawyny düzdi diýip, Mundo Deportivo habar berýär. Neşiriň maglumatyna görä, toparyň baş tälimçisi Hans-Diter Flik sport direktory Deku we sport komitetiniň beýleki agzalary bilen bilelikde güýçlendirmek üçin esasy pozisiýalary – çep aýakly merkezi goragçyny, wingeri (ganat hüjümçini) we merkezi hüjümçini kesgitlediler...

düýn 18:52
2.8k+

“Inter Maýami” Messi bilen MLS Kubogynyň finalyna çykdy we birnäçe rekord goýdy

30-njy noýabrda irden (Aşgabat wagty bilen) “Inter Maýami” MLS Kubogynyň pleý-offunyň ýarym finalynda “Nýu-Ýork Sitini” uly hasap bilen utdy. Fort-Loderdeýldäki oýun 5:1 hasabynda tamamlandy. Bu oýun şol bir wagtyň özünde MLS-iň Gündogar konferensiýasy 2025-iň finaly boldy...

29.11.2025 19:46
4.7k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

29.11.2025 09:22
8.7k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...