Redmi ýakyn hepdelerde täze Turbo 4 Pro smartfonyny çykarmaga taýýarlanýar. Experience More maglumat berijiniň berýän habaryna görä, enjam Qualcomm Snapdragon 8s Elite prosessoryny we 1.5K durulykly 6.8 dýuýmlyk tekiz OLED ekrany alar.
Öň ekranyň inçe çarçuwaly we täzeleniş tizligi 120 Hz bolan LTPS panelini aljakdygy habar berlipdi.
90 wattlyk çalt zarýad berijili 7550 mAh akkumulýator onuň awtonom işini üpjün ediler. Şeýle hem, smartfonda ekranyň aşagyndaky barmak yz skaneri, demir çarçuwa we aýna arka paneli bolar diýilýär.
Agramy 210g-dan gowrak bolan enjamyň IP68 / IP69 standarty boýunça suwdan we tozandan goragly bolmagyna garaşylýar.
Redmi Turbo 4 Pro aprel aýynda Hytaýda ilkinji gezek satuwa çykar we dünýä bazaryna bolsa Poco brendi astynda çykyp biler. Onuň bildirişinden soň Redmi Turbo 4-iň adaty wersiýasynyň bahalarynyň arzanlamagyna garaşylýar.
