«Arkadagly Ýaşlar» žurnalynyň 2025-nji ýyldaky ikinji sany çykaryldy

  • 11.03.2025 16:22
  • 1.1k+

Türkmenistanyň Magtymguly adyndaky Ýaşlar guramasynyň Merkezi Geňeşiniň ýanyndaky «Arkadagly Ýaşlar» elektron žurnalynyň täze - 2025-nji ýyldaky 2-nji sany okyjylara ýetirildi.

«Türkmen halkynyň milli buýsanjy» atly rus dilindäki makalada «Galkynyş» milli at üstündäki oýunlar toparynyň Monte-Karloda geçirilen sirk sungatynyň halkara festiwalynda gazanan üstünligi beýan edilýär.
«Hoşniýetliligiň we parahatçylygyň diplomatiýasy» atly makalada awtor 18-nji fewralda bellenilen Diplomatiýa işgärleriniň gününiň ähmiýetine ünsi çekipdir. 
Milli parlamentimiz tarapyndan ýurdumyzda bilim ulgamyny kämilleşdirmek bilen bagly işlenip taýýarlanylýan kanunçylyk namalary baradaky söhbet «Bilim ulgamy ― döwlet býujetiniň möhüm düzüm bölegi» atly makalada öz beýanyny tapýar.
«Ýaşlar ― Watanyň şu güni hem geljegi» atly makalanyň awtory nesil terbiýesiniň milli jemgyýetimizdäki ornuna aýratyn ünsi çekýär. Şol sahypalarda ýerleşdirilen başga bir makalada bolsa milli hukuk ulgamynyň sanly mümkinçilikleri barada gürrüň berilýär.

«Ýaş energetikleri taýýarlamakda möhüm ädimler» atly makala arkaly okyjylary Türkmenistanyň Döwlet energetika institutynda häzirki günlerde alnyp barylýan işler bilen tanşyp bilerler. Şol sahypalarda ýerleşdirilen «Inžener pedagogikasy ― ussat inženerleriň kämillik mekdebi» atly makalada hem gozgalýan mesele barada gyzykly gürrüň berilýär. 
Neşiriň şu sanyndaky makalalaryň birinde edara-kärhanalar üçin niýetlenen «Işgärler» atly web saýty barada gyzykly maglumatlar bar. Bellenilişi ýaly, bu sahypa islendik edara üçin bähbitli bolup biler.


Neşiriň täze sanynda iňlis dilindäki ilkinji makala Halkara parahatçylyk we ynanyşmak ýylyna bagyşlanypdyr. «Bilbil sesli zenan» atly makalada bolsa Türkmenistanyň halk artisti Medeniýet Şahberdiýewa barada gürrüň berilýär.
Okyjylar ýaşlar neşiriniň täze sanyndan «Gorkut ata» eposynyň Berlin nusgasy, Halkara parahatçylyk we ynanyşmak ýylynda alnyp barylýan işlerde ýaşlaryň orny (iňlis dilinde), türkmen bitaraplygynyň aýratynlyklary (rus dilinde), taryhy şahsyýetlerimiz baradaky gyzykly makalalary hem okap bilerler. Şanly taryhymyz baradaky söhbet «Geçmişden nur saçýan göwherler Gahryman Arkadagymyzyň eserlerinde aýdyň şöhlelenýär» atly makalada hem dowam etdirilýär.


Neşiriň däbe öwrülen «Ýaşlar ylym dünýäsinde» atly makalalar tapgyrynda bu gezek kiberhüjümlerden goranmagyň täze ýollaryny salgy berýän, awtoulagyň hereketlendirijisinde ýangyjy tygşytlamagyň ýoluny kesgitlän we doňaklygy çözüji täze serişdäni oýlap tapan ýaş alymlaryň alyp baran işleri barada gürrüň berilýär. «Nesil terbiýesini dabaralandyran şahyr» atly makalada Döwletmämmet Azadynyň döredijiliginden söhbet açylýar.
Neşiriň täze sanynda rus dilindäki çeper oýlanma hem paýlaşylýar. «Görki, erki bilen äleme dolan» atly makalada Magtymguly Pyragynyň şygyrlarynda hezreti Ýusubyň edebi keşbi barada gürrüň berilýär. «Pürli agaçlara zyýan beriji mör-möjekler: olary kesgitlemekde sanly ulgamyň mümkinçilikleri» atly makala hem täsirli maglumatlara baý.
«Bezege öwrülen balyklar» atly makalanyň gelin-gyzlarda aýratyn gyzyklanma döretjekdigine ynanýarys. Çünki onda balykçylyk bilen bagly milli nagyşlarymyz barada gyzykly gürrüň berilýär. Şol sahypalarda «Ýaşlyk ― ömrüň hemrasy» atly täsirli hekaýany hem okap bilersiňiz.
Däp bolşy ýaly, ýaşlar neşiriniň täze sanynda hem täsirli şygyrlaryň birnäçesi ýerleşdirilipdir. «Päk söýginiň dergähine» atly oýlanma okyjylary duýguly dnüýäniň jümmüşine alyp gidýär.
Neşir Jorj Kleýsonyň «Wawilonyň iň baý adamy» atly kitabyndan bölekleri bermegi hem dowam etdirýär. Ahyrky sahypalarda ýerleşdirilen krossword bilen mart aýynyň täleýnamasy hem okyjylary özüne çeker. Neşiriň ahyrky sahypalaryndan bolsa «Ertir bahar gelýär» atly şahyrana ýazgyny, dil öwrenmegiň döwrebap usullary barada iňlis dilindäki makalany, «Ýaş waspçy» bäsleşiginiň täze ýeňijisi baradaky maglumaty we otaglara bezeg berýän tropik ösümlikler baradaky maglumatlary okap bilersiňiz.


düýn 13:41
5k+

EXPO-2025 sergisinde Türkmenistanyň pawilýonyna baryp görenleriň sany iki milliondan geçdi

Osakada geçirilýän EXPO-2025 Bütindünýä sergisinde Türkmenistanyň milli pawilýonyna şu güne çenli 2 milliondan gowrak adam baryp gördi. Bu barada serginiň guramaçylary habar berdi. Häzirki ýagdaýa çenli türkmen pawilýonynyň saýtyndaky maglumata görä, bu san 2 mln 5 müň adamdan geçdi we bu san artmagyny dowam edýär...

29.09.2025 15:50
961

Türkmenistanda hepdelik howa maglumaty (29.10 - 05.10)

Türkmenistanda şu hepdede howanyň temperaturasynyň kem-kemden peselmegine garaşylýar, käbir ýerlerde bolsa ýagyş ýagmagy mümkin. Gije-gündiziň dowamyndaky howanyň ortaça temperaturasy +35 gradusa çenli aralykda üýtgär...

29.09.2025 10:06
412

Arkadag şäherinde bejergi alýan we Döwletliler köşgünde terbiýelenýän çagalara süýjülik nygmatlary gowşuryldy

Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde bejergi alýan hem-de Aşgabatdaky Döwletliler köşgünde terbiýelenýän çagalara süýjülik nygmatlary gowşuryldy. Süýjülikler Türkmenistanyň Garaşsyzlygynyň 34 ýyllygy mynasybetli türkmen halkynyň Milli Lideriniň we Türkmenistanyň Prezidentiniň adyndan berildi diýip, “Türkmenistan” gazetinde habar berilýär...

29.09.2025 09:38
544

Aşgabatda baýramçylyk at çapyşygynyň jemleýji ýaryşynyň ýeňijisine 300 müň manat berildi

28-nji sentýabrda döwrebaplaşdyrylan Aşgabat atçylyk sport toplumynda baýramçylyk at çapyşyklary guraldy. Dürli aralyga çapyşyklaryň ýedisi geçirildi. Alty çapyşygyň ýeňijileri 100 müň manat, jemleýji, ýedinji çapyşygyň ýeňijisi bolsa 300 müň manat möçberinde baýrak aldy diýip, "Neýtralnyý Türkmenistan" gazetinde habar berilýär...