Goal: Mohamed Salah “Altyn topa” esasy dalaşgär hasaplanýar

Goal internet neşiri 2025-nji ýylyň “Altyn top” baýragyna dalaşgärleriň sanawyny hödürledi. Angliýanyň “Liwerpul” klubunyň müsürli futbolçysy Mohamed Salah bu baýraga esasy dalaşgär hasaplandy. Ikinji orunda Madridiň “Realynyň” hüjümçisi Kilian Mbappe, üçünji orunda “Barselonanyň” oýunçysy Rafinýa ýerleşdi.
Goal boýunça esasy 10 dalaşgär şulardan ybarat:

1. Mohamed Salah, “Liwerpul” (Angliýa);
2. Kilian Mbappe, Madridiň “Realy” (Ispaniýa)
3. Rafinýa Dias, “Barselona” (Ispaniýa);
4. Lamin Ýamal, “Barselona” (Ispaniýa);
5. Harri Keýn, “Bawariýa” (Germaniýa);
6. Robert Lewandowskiý, “Barselona” (Ispaniýa);
7. Winisius Žunior, Madridiň “Realy” (Ispaniýa);
8. Jud Bellingem, Madridiň “Realy” (Ispaniýa);
9. Jamal Musiala, “Bawariýa” (Germaniýa);
10. Pedri, “Barselona” (Ispaniýa);

Häzirki möwsümde Salah ähli ýaryşlarda 41 oýna gatnaşyp, 32 gol geçirdi we 22 assist etdi. Onuň topary Angliýanyň çempionatynda birinji ýerde barýar.
2024-nji ýylda “Altyn top” baýragyny “Mançester Sitiniň” ýarymgoragçysy Rodri aldy. Baýragyň gowşurylyş dabarasy 28-nji oktýabrda Parižde geçirildi.