Russiýanyň Prezidenti Wladimir Putin kosmonawt Oleg Kononenkony I derejeli “Watanyň öňünde bitiren hyzmatlary üçin” ordeni bilen sylaglady. RF-iň Prezidentiniň permany resmi hukuk maglumatlary portalynda ýerleşdirildi.
Kononenko “ekipažly kosmonawtikanyň ösmegine goşan goşandy we Halkara kosmos stansiýasynda uzak möhletli kosmos uçuşyny amala aşyrmakda görkezen edermenligi” üçin baýraga mynasyp boldy.
Kononenkonyň asly Türkmenistandan bolup, ýurduň Gahrymany adyna eýedir. Ol häzir iň tejribeli russiýaly kosmonawt. Ol 2023-nji ýylyň sentýabr aýyndan 2024-nji ýylyň sentýabry aralygynda bäşinji kosmos missiýasyny amala aşyryp, kosmosda 1 000 gün geçiren ilkinji adam boldy. Ýere gaýdyp gelenden soň, onuň uçuşynyň umumy dowamlylygy tas 1 111 gün boldy.
