Ýaponiýanyň Toyota Motor kompaniýasy ýakynda konsern üçin zerur şaýlary taýýarlaýan Chuo Spring kompaniýasynyň zawodynda bolan partlama sebäpli ýene bir gurnama hatarynyň işini togtatmaga mejbur bolýar. Bu barada Kyodo agentligi habar berdi.
6-njy martda Aýti prefekturasyndaky zawodda senagat tozan ýygnaýjysynyň partlamasy bolup geçdi. Wakanyň netijesinde bir adam heläk boldy, ýene birnäçesi şikes aldy.
Zerur şaýlar bilen üpjünçiligiň kesilmegi sebäpli, ilkibaşda 10-njy martdan Aýti prefekturasyndaky iki kärhanada üç gurnama hataryny togtatmak kararyna gelindi. Ýöne soň kompaniýa Kiotodaky Toyota Probox ulaglarynyň çykarylýan kärhanasynda hem ýene bir gurnama hatarynyň işini togtatmaly boldy.
Häzirlikçe kompaniýanyň bu gurnama hatarlaryny haçan gaýtadan işe girizjekdigi belli däl.
Belläp geçsek, 2023-nji ýylda hem bu zawodda partlama bolup geçdi, netijede bölek şaýlaryň ýetmezçiligi sebäpli Toyota 8 zawodda 13 gurnama hatarynyň işini togtatdy, işleriň gaýtadan dikeldilmegi üçn 10 gün gerek boldy.
