Hytaýyň XPeng Motors elektromobil öndürijisi eýýäm indiki ýyl uçýan awtomobilleriň köpçülikleýin önümçiligine başlar. Bu barada kompaniýanyň baş müdiri He Sýaopen habar berdi.
“Biz şeýle uçýan awtomobiller üçin uçuşy dolandyrmagyň täze ulgamyny işläp taýýarlar ýaly ulag serişdesini dolandyryşy emeli aň bilen birleşdirip, olary ulanyjylar üçin has howpsuz we rahat ederis” – diýip, China Daily neşiri He Sýaopeniň sözlerini getirýär.
Onuň aýtmagyna görä, eger ähli işler meýilnama boýunça alnyp barylsa, onda XPeng “dünýäde uçýan awtomobilleriň köpçülikleýin önümçiligine başlajak ilkinji kompaniýa bolar”.
Önümçiligiň ilkinji tapgyrynda Land Aircraft Carrier (LAC) awtomobili üçin uçýan modulyň döredilmegine garaşylýar. Her ýyl şeýle gurluşlardan 10 müň sanysyny öndürmek meýilleşdirilýär.
LAC 12-nji noýabrdan 17-nji noýabr aralygynda Çžuhaýda geçiriljek Airshow China awiasalonynda görkezilmeli, ol ýerde onuň ilkinji uçuşy bolar.
Mundan başga-da, XPeng eýýäm 2025-nji ýylda üçünji nesil awtonom awtomobilleri döretmegi, 2026-njy ýyla çenli bolsa özbaşdak duralga ýerleşmäge ukyply bolan dördünji nesil sürüjisiz ulaglary hödürlemegi meýilleşdirýär.
