POCO kompaniýasy şu aýyň dowamynda POCO F7 Ultra modelini tanyşdyrar. Snapdragon 8 Elite çipseti, 16 GB operatiw ýady (RAM) bolan bu smartfon, 2024-nji ýylyň noýabr aýynda Hytaýda tanyşdyrylan Redmi K80 Pro-nyň global wersiýasy bolar. Muny Geekbench AI-dan alnan maglumatlar (kody 24122RKC7G) subut edýär.
Enjam Android 15 operasion ulgamy bilen geler we 6,67 dýumlyk 2K OLED displeýi 120 Gs täzeleniş ýygylygyny üpjün eder. 6000 mA·sag sygymly batareýasy 120 Wt simli hem-de 50 Wt simsiz zarýad alşy goldar. Şeýle-de 512 GB-a çenli içerki ýady hödürlär.
F7 Ultra üç sany esasy kamera bilen gelýär: jikme-jik suratlar üçin OIS mümkinçilikli 50 MP sensor, 32 MP ultra giň burçly obýektiw we 2 esse optiki ýakynlaşdyryş (zoom) we durnuklaşdyryş ulgamy bilen 50 MP telefoto modul. Selfi üçin bolsa 20 MP kamera ýerleşdiriler, ol 4K wideo ýazga almaga ukyply bolar.
POCO F7 Ultra modeli F7 hatarynyň üçünji modeli bolar we ol esasy hem-de Pro wersiýalary bilen bilelikde çykarylar. POCO ilkinji gezek diňe iki enjam çykarmak däbine garşy gider.
POCO F7 Pro modeli bolsa, Redmi K80-iň esasyny miras alyp, Snapdragon 8 Gen3 çipset bilen gelmegi mümkin.
Esasy F7 bolsa biraz giç – 2025-nji ýylyň ikinji çärýeginde Snapdragon 8s Elite bilen tanyşdyrylar.
