UEFA iň ýokary aýlykly we iň gymmat düzümli klublary atlandyrdy

UEFA 2023/24 möwsümde oýunçylaryň aýlyk haklary üçin iň köp pul sarp edýän klublary, şeýle hem iň gymmat düzümli klublary atlandyrdy.

UEFA-nyň hasabatyna görä, geçen möwsüm “PSŽ” Ýewropa klublarynyň arasynda aýlyk üçin iň köp pul - 658 million ýewro sarp edipdir.
Iň köp pul sarp edenleriň arasynda Angliýadan alty klub, Ispaniýadan iki we Germaniýadan bir klub bar.

1. “PSŽ” – 658 mln ýewro
2. “Mançester Siti” – 554 mln
3. “Real” – 505 mln
4. “Barselona” – 476 mln
5. “Liwerpul” – 449 mln
6. “Bawariýa” – 430 mln
7. “Mançester Ýunaýted” – 429 mln
8. “Çelsi” – 395 mln
9. “Arsenal” – 381 mln
10. “Aston Willa” – 292 mln

Ýokarda gürrüň, esasan, aýlyk haklary barada gidýär. 2024-nji maliýe ýylynyň ahyrynda iň gymmat düzümi bolan topar Londonyň “Çelsisi” boldy. UEFA-nyň hasabatyna görä, "Çelsi" häzirki toparyny ýygnamak üçin 1,66 milliard ýewro sarp edip, bu taryhda iň ýokary görkeziji boldy. “Çelsi” “Realyň” 2020-nji ýyldaky rekordyny täzeledi (1,33 milliard).

Ýene üç iňlis kluby öz toparlaryna milliard ýewrodan gowrak pul sarp etdi. 2024-nji ýylyň ahyryna çenli iň gymmat 20 toparyň 9-sy Angliýanyň klublary tarapyndan ýygnaldy.

1. “Çelsi” – 1,66 mlrd ýewro
2. “Mançester Siti” – 1,3 mlrd
3. “Mançester Ýunaýted” – 1,096 mlrd
4. “Arsenal” – 1,024 mlrd
5. “Real Madrid” – 922 mln
6. “PSŽ” – 911 mln
7. “Liwerpul” – 869 mln
8. “Tottenhem” – 809 mln
9. “Ýuwentus” – 735 mln
10. “Inter” – 622 mln
11. “Aston Willa” – 584 mln
12. “RB Leýpsig” – 559 mln
13. “Bawariýa” – 549 mln
14. “Nýukasl Ýunaýted” – 541 mln
15. “West Hem” – 477 mln
16. “Barselona” – 474 mln
17. “Napoli” – 443 mln
18. “Milan” – 380 mln
19. “Atletiko” – 378 mln
20. “Roma” – 357 mln