uCloudlink kompaniýasy Barselonada geçirilen MWC 2025 tehnologiýa sergisinde öý haýwanlary üçin dünýäde ilkinji smarfon bolan PetPhone-y hödürledi. Emeli aňly bu enjam hojaýynlara öz haýwanlary bilen aragatnaşyk saklamaga, olaryň ýagdaýyna we howpsuzlygyna gözegçilik etmäge kömek edýär.
Işläp düzüjileriň aýtmagyna görä, smartfon haýwanlara hereketleriň we ses buýruklarynyň kömegi bilen özbaşdak jaň etmäge mümkinçilik berýär.
Ol boýna dakylyp, işjeňlik derejesini yzarlaýar we öý haýwanynyň saglygyna gözegçilik edýär. PetPhone ýerleşýän ýeri kesgitlemegiň alty tehnologiýasy bilen enjamlaşdyrylan bolup, öý haýwanlary has uzaga giden wagty olaryň eýeleriniň derrew habarly bolmagyna mümkinçilik berýär.
Öý haýwanlaryny iş ýa-da okuw sebäpli uzak wagtlap ýeke goýup gidýän hojaýynlaryň arasynda bu smartfon uly islegden peýdalanar diýlip garaşylýar.
Smartfonyň satuwa çykjak möhleti we bahasy heniz yglan edilmedi.
