CBS teleýaýlymy «Emmi» baýragynyň 77-nji gowşurylyş dabarasynyň geçiriljek senesini mälim etdi. Dalaşgärleriň atlary 15-nji iýulda yglan ediler, baýrak gowşurylyş dabarasy bolsa 14-nji sentýabrda geçiriler diýip, «Variety» neşiri ýazýar.
Metbugatda baýragyň ugrunda bäsleşjek taslamalar eýýämden çaklanylyp başlandy. Olaryň arasynda «Biziňkilerden biri» (Одни из нас), «Bölüniş» (Разделение), «Ak Lotos» (Белый лотос), «Pingwin» (Пингвин), «Şakal güni» (День Шакала) ýaly seriallaryň täze möwsümleri bar.
Dabaranyň alyp baryjysy entek belli däl. Dabara 2024-nji ýylyň 1-nji iýuny bilen 2025-nji ýylyň 31-nji maýy aralygynda ýaýlyma berilen-beriljek ähli teleproýektler gatnaşyp biler.
Geçen gezekki «Emmi» baýragy «Sýogunyň» (Сёгун), «Hileleriň» (Хитрости) we «Sugun çagasynyň» (Оленёнок) ýeňişleri bilen tamamlanypdy.
