Ýabany tebigatyň suratçysy Tokuýuki Haýakawa Ýaponiýanyň demirgazyk kenarlarynda ýerleşýän Rausu obasynyň ýakasynda seýrek duş gelýän ak kosatka balygyny surata düşürdi diýip, «PetaPixel» neşiri habar berýär.
Haýakawanyň aýtmagyna görä, ol soňky 15 ýyl bäri Rausuda kosatkalary surata düşürip gelýär, ýöne ak reňklisini ilkinji gezek görüpdir.
Ak kosatkalar gaty seýrek duşýar, olaryň üýtgeşik reňkiniň sebäbi bolsa «leýkizm» diýilýän hadysa bilen baglanyşyklydyr. Bu mutasiýada haýwanyň derisinde we tüýlerinde pigmentasiýa bölekleýin ýitýär. Käwagt leýkizmi albinizm bilen çalyşýarlar. Emma albinizmde melanin öndürýän öýjükler bar, leýkizmde bolsa pigment öýjükleri düýbünden bolmaýar.
