Futbol boýunça DÇ-2026-nyň finalynyň arakesmesinde Superbouldaky ýaly şüweleň görkeziler

  • 08.03.2025 07:09
  • 7.1k+

2026-njy ýylyň futbol boýunça dünýä çempionatynyň final duşuşygynyň arakesmesinde Superbouldaky (ABŞ-nyň Milli futbol ligasynyň finaly) ýaly doly derejeli şüweleň geçiriler. Bu barada Instagram-da FIFA-nyň prezidenti Janni Infantino habar berdi.

“Men futbol boýunça dünýä çempionatynyň finalynyň arakesmesinde taryhda ilkinji şüweleňiň geçiriljekdigini tassyklap bilerin. Bu futbol boýunça dünýä çempionaty üçin taryhy pursat bolar” – diýip, Infantino ýazdy.

Dünýä çempionatynyň jemleýji oýny 2026-njy ýylyň 19-njy iýulynda Ist-Rezerforddaky (Nýu-Jersi ştaty, ABŞ) MetLife stadionynda geçiriler.
Infantinonyň aýtmagyna görä, şüweleňiň guramaçylyk işine Coldplay toparynyň frontmeni Kris Martin we menejer Fil Harwi çekildi. Olar beýleki artistleri saýlamaga kömek eder diýip, BBC Sport habar berýär.
Mundan başga-da, Taýms-skwerde ýaryşyň ahyrky uik-endinde uly çäre geçirmek meýilleşdirilýär.
Belläp geçsek, häzirki düzgünlere görä, oýnuň iki ýarymynyň arasyndaky arakesme 15 minut dowam edýär. Häzirlikçe guramaçylaryň şüweleňi bu wagt aralygyna nähili ýerleşdirjekdigi belli däl.
Superboul ABŞ-da iň köp görülýän sport ýaýlymlarynyň biri hasaplanýar, şu ýyl şüweleňiň hedlaýneri Kendrik Lamar boldy we ol finalyň arakesmesinde öz esasy hitlerini, şol sanda Not Like Us aýdymyny ýerine ýetirdi. Tansçy hökmünde sahnada beýleki meşhur ýyldyzlar, sazandalar, türgenler, şol sanda tennis boýunça Uly tuwulga ýaryşlarynyň 23 gezek ýeňijisi Serena Uilýams çykyş etdi.
2026-njy ýylyň futbol boýunça dünýä çempionaty 11-nji iýundan 19-njy iýul aralygynda üç ýurtda: ABŞ-da, Kanadada we Meksikada geçiriler. Ýaryşa ilkinji gezek 48 topar gatnaşar.


düýn 21:35
2.4k+

Mundo Deportivo: "Barselona" transfer maksatlaryny kesgitledi: gysga sanawda — Keýn, Holland we Alwares

"Barselona" tomusky transfer penjiresi üçin ileri tutulýan oýunçylaryň sanawyny düzdi diýip, Mundo Deportivo habar berýär. Neşiriň maglumatyna görä, toparyň baş tälimçisi Hans-Diter Flik sport direktory Deku we sport komitetiniň beýleki agzalary bilen bilelikde güýçlendirmek üçin esasy pozisiýalary – çep aýakly merkezi goragçyny, wingeri (ganat hüjümçini) we merkezi hüjümçini kesgitlediler...

düýn 18:52
2.8k+

“Inter Maýami” Messi bilen MLS Kubogynyň finalyna çykdy we birnäçe rekord goýdy

30-njy noýabrda irden (Aşgabat wagty bilen) “Inter Maýami” MLS Kubogynyň pleý-offunyň ýarym finalynda “Nýu-Ýork Sitini” uly hasap bilen utdy. Fort-Loderdeýldäki oýun 5:1 hasabynda tamamlandy. Bu oýun şol bir wagtyň özünde MLS-iň Gündogar konferensiýasy 2025-iň finaly boldy...

29.11.2025 19:46
4.7k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

29.11.2025 09:22
8.7k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...