Zero Zero Robotics kompaniýasy dünýäde ilkinji iki ganatly dron (bikopter) bolan V-Copter Falcon Mini-ni görkezdi. Onuň agramy 250 gramdan hem az.
Işläp düzüjileriň aýtmagyna görä, V harpy görnüşinde gurnalan iki propellerli dronyň gurluşy "ýyldyrym çaltlygyndaky tizlenmäni" we ykjam hereketi üpjün edýär. Howa akymyny sazlamak üçin dronyň perleri aşak egilýärler, bu bolsa takyk hereketleri ýerine ýetirmäge mümkinçilik berýär.
Falcon Mini 3 okly durnuklaşdyrmasy bolan 4K kamerasy bilen üpjün edilendir. Dron 34 minuda çenli uçup bilýär we sessiz diýen ýaly hereket edýär. Şeýle hem ol serwohereketlendirijilerini ulanýar.
Bu dron Zero Zero Robotics-iň ilkinji goşa ganatly drony däldir. Hakyky V-Copter 2020-nji ýylda çykarylýar we onuň agramy 700 gramdan köp bolup, meşhurlyk gazanyp bilmeýär. Agramy bary-ýogy 250 gram bolan Falcon Mini ondan has özüne çekiji bolup biler.
Enjamda ösen režimleri (dikligine uçuş, ters öwrümleri ýerine ýetirmek) ulanmaga mümkinçilik berýän Reverse Flight Kit toplumy gurnalandyr.
Dronyň takyk bahalary we çykaryljak senesi entek yglan edilmedi.
