Barselonadaky MWC 2025 sergisinde Realme kompaniýasy obýektiw dakylýan ulgamly smartfonynyň nusgasyny görkezdi. Enjama, MagSafe aksessury ýaly, gurnap bolýan içerki datçikli obýektiwi dakyp bolýar. Bu mehanizm obýektiwleri çalyşmaga we olary simsiz birikdirmäge mümkinçilik berýär diýip, Gizmochina habar berýär.
Kamera modullarynyň köpelişini artdyran adaty flagman smartfonlaryndan tapawutlylykda, Realme enjamyň galyňlygyny artdyrmazdan, has uly datçikleri we obýektiwleri ulanmaga mümkinçilik berýän çözgüt hödürleýär.
Prototip Sony-niň içerki obýekti bolmadyk 1 dýuýmlyk datçigi bilen enjamlaşdyrylandyr. Kompaniýa iki sany: 73 mm-lik portret obýektiwini we 234 mm-lik teleobýektiwi görkezdi. Bu edil aýnaly kameralar ýaly tebigy fon bulaşyklygy bilen ýokary hilli surata düşmäge mümkinçilik berýär. Deňeşdirmek üçin, Galaxy S23 Ultra-nyň teleobýektiwiniň 230mm-lik ekwiwalent fokus uzynlygy bar.
Bu ulgam ozal smartfonlar üçin kyn bolan has dury we takyk suratlary almaga mümkinçilik berýär.
2022-nji ýylda Xiaomi 12S Ultra konsept modelinde şuňa meňzeş obýektiwler bilen synag geçirdi. Soňra kompaniýa MagSafe garniturasy ýaly birikdirilen, telefon bilen işleýän we ýazga alnan maglumatlary oňa simsiz geçirýän datçigi öz içine alýan obýektiw gurnamany görkezdi.
