Rockstar Games GTA 5 oýnuna täzeden jan bermek kararyna geldi, onuň grafikasy we oýun prosesi ep-esli gowulandyryldy. GTA 5 Enhanced Edition 4-nji martda çykdy. Bu barada «Daily Express» habar berýär.
Rockstar Games-iň aýtmagyna görä, bu täzelenme häzirki oýunçylara GTA 5-iň şu günki gün iň gowy wersiýasyny hödürleýär.
«Bu täzelenme bilen PK wersiýasy PlayStation 5 we Xbox Series X/S-iň gowulaşan görnüşlerine ýeter» — diýip, öndüriji mälim etdi hem-de muşdaklaryna gowulanan wizual hil we öndürijilik boýunça kepil geçdi.
Iň möhüm aýratynlyklaryň biri bolsa, öňdebaryjy grafiki tehnologiýalaryň ornaşdyrylmagydyr. Olaryň arasynda şöhle yzarlaýyş (ray tracing) tehnologiýasy bar, bu bolsa ýagtylyk we kölege täsirlerini has-da gowulandyrýar. Oýunçylar çalt ýüklenişden peýdalanyp bilerler hem-de AMD FSR1, FSR3 we NVIDIA DLSS 3 tehnologiýalarynyň goldawyny alarlar.
Mundan başga-da ultra-giň we örän ultra-giň ekran formatlarynyň goldawy, ýokary kadr ýygylygy, PlayStation 5 dolandyryjylary üçin adaptasiýa edilýän düwmeleriň işlemegi, şeýle hem Dolby Atmos tehnologiýasy bilen gowulanan ses ulgamy hem elýeterli bolar. Munuň netijesinde gepleşikleriň, ses ýazgylarynyň we sazlaryň takyklygy ýokarlandyryldy.
GTA 5 Enhanced Edition-iň ululygy 114 GB-dan 92 GB-a çenli azaldy.
