Mobile World Congress (MWC) 2025 tehnologiýa sergisinde Samsung kompaniýasy tejribe üçin döredilen özboluşly dizaýnly Asymmetric Flip eplenýän smartfonyny görkezdi.
Ol smartfonyň ýokarky we aşaky gyralaryndan dürli aralykda ýerleşen iki sany içine eplenýän şarnire eýe boldy. Bu onuň dizaýnyny täsin edýär: eplenen ýagdaýynda ekranyň bir bölegi açyk galýar. Şeýle seretseň, ol uky režiminde wagty we habarnamalary görkezip, Always-on Display ýaly işläp biler.
Smartfondan başga-da, Samsung ýene bir gurluşy – çeýe ekranly oýun konsolyny görkezdi. Daşky görnüşi boýunça ol Nintendo Switch-i ýada salýar, ýöne eplenýän mehanizmli. Konsepsiýa gyzykly görünýär, sebäbi ykjam format konsoly jübüde götermäge mümkinçilik berýär. Şeýle-de bolsa, heniz tehniki kemçilikler bar: ekrandaky epin we amatly bolmadyk inçe korpus.
Samsung häzirlikçe bu gurluşlary çykarmak meýilnamalaryny yglan etmedi, ýöne olaryň tanyşdyrylyşy kompaniýanyň eplenýän tehnologiýalary ösdürmäge ymtylýandygyny tassyklaýar.
