Agramy tas 1 trillion tonna bolan dünýäde iň uly we iň gadymy aýsberg A23a Günorta Georgiýa we Günorta Sandwiç adalaryndan uzak bolmadyk ýerde saýa batdy. Bu barada Britaniýanyň Antarktika gullugy (BAS) habar berdi.
Alymlar tiz wagtdan aýsbergiň ýyly umman akymlary sebäpli has ownuk böleklere bölünjekdigini aýdýar. Bu şol sebitdäki balykçylyk ýollaryna täsirini ýetirip biler, sebäbi ownuk buzlar tutuş aýsbergden has uly howp döredýär.
BAS-dan doktor Endrýu Meýer aýsbergiň bölünmeginiň daşky gurşawa täsir edip biljekdigini, sebäbi “onuň eremeginiň netijesinde çykýan iýmitlik maddalarynyň tutuş sebit ekoulgamy, şol sanda pingwinler we düwlenler üçin iýmitleriň elýeterliligini ýokarlandyryp biljekdigini”, ýöne bu täsiriň sähel boljakdygyny belledi.
Aýsberg A23a 1986-njy ýylda Filhner buzlugyndan bölünip aýryldy. Ol 30 ýyllap Ueddell deňzinde hereketsiz durdy, 2020-nji ýylda bolsa demirgazyga tarap hereket edip başlady.
