Lenovo Günden zarýad alýan noutbugy döretdi

  • 05.03.2025 18:31
  • 2.1k+
Lenovo Günden zarýad alýan noutbugy döretdi

Lenovo kompaniýasy Mobile World Congress sergisinde Yoga Solar PC konseptual noutbugyny görkezdi. Onuň gapagyna islendik ýagtylyk çeşmesinden, esasanam, Günden netijeli zarýad almaga mümkinçilik berýän Gün paneli oturdyldy.

Yoga Solar PC noutbugy Back Contact cell tehnologiýasy bilen 84 Gün elementinden ybarat ýagtylygy siňdiriji panel bilen enjamlaşdyryldy. Ähli montaž kronşteýnleri we öndürilen energiýany ýygnap, geçirýän elektrik kontaktlary Gün elementleriniň aňyrsynda ýerleşýär. Paneliň öň bölegi has köp ýagtylyk tutmaga ukyply bolup, energiýany üýtgetme koeffisiýentiniň 24% bolmagyna mümkinçilik berýär.
Kompaniýa göni Gün şöhleleriniň aşagynda 20 minut wagtyň bir sagatlap wideo görmek üçin ýeterlikdigini belleýär. Häzir gowşak ýagtylyk şertlerinde paneliň netijeliligi synagdan geçirilýär.
Noutbugyň galyňlygy 15 mm, agramy 1 kg töweregi bolup, 14 dýuýmlyk OLED displeýi bilen üpjün edildi. Ol 32 GB operatiw ýat we 1 TB SSD bilen Intel Lunar Lake prosessorynda işleýär. Şeýle-de, gurluş panel tarapyndan işlenýän toguň we naprýaženiýanyň derejesini görkezjek Lenovo Dynamic Solar Tracking programma üpjünçiligini alar. 

Çak Norris aradan çykdy
şu gün 03:13
1.7k+

Çak Norris aradan çykdy

Meşhur aktýor we söweş sungatynyň ussady Çak Norris 86 ýaşynda dünýäsini täzeledi. Bu barada Variety neşiri habar berýär. Maglumata görä, aktýor 20-nji martda irden öz ýakynlarynyň arasynda rahat ýagdaýda baky uka gitdi...

Guşlar, tilkiler we duman: Nandagang surat bäsleşiginiň ýeňijileri yglan edildi
şu gün 02:08
629

Guşlar, tilkiler we duman: Nandagang surat bäsleşiginiň ýeňijileri yglan edildi

Hytaýdaky Nandagang suw-batgalyk ýerleri dünýäniň iň gowy suratçylarynyň ünsüni özüne çekýän ýere öwrüldi. Olar bu tebigat goraghanasyna bagyşlanan uly halkara bäsleşigine gatnaşdylar. Gündogar Aziýa-Awstraliýa migrasiýa ýolunda ýerleşýän bu özboluşly ýer göçegçi guşlar üçin möhüm dynç alyş nokady bolup hyzmat edýär we ýabany tebigatyň el degrilmedik keşbini saklap gelýär...

Eweresti eýelän alpinistler yzlaryna 2 kg zibil alyp gaýdarlar
şu gün 00:40
1.7k+

Eweresti eýelän alpinistler yzlaryna 2 kg zibil alyp gaýdarlar

«Nepal häkimiýetleri Ewerest dagyna çykýan alpinistler üçin täze düzgün girizdiler. Oňa görä, indi olar ikinji binýatlyk lagerden (6 400–6 750 metr) ýokardaky künjeklere çykanlarynda, gaýdyşyn azyndan 2 kg zibil ýygnap getirmeli bolarlar» diýip, The Himalayan Times gazeti habar berdi...

Maltada 5 ýyl sürüjilik hukugyndan el çekene 25 müň ýewro tölener
şu gün 00:22
1.3k+

Maltada 5 ýyl sürüjilik hukugyndan el çekene 25 müň ýewro tölener

Maltanyň häkimiýetleri öz islegi bilen sürüjilik şahadatnamasyndan 5 ýyl el çekip biljek sürüjilere 25 müň ýewro möçberinde pul sylagyny hödürleýärler. Olar şeýle etmek bilen, ýollardaky dyknyşyklary azaldyp, ekologiýanyň ýagdaýyny gowulandyrmak isleýärler...