Xiaomi kompaniýasy täze Poco M7 5G smartfonyny hödürledi. 115 dollardan başlaýan bahasy bilen ol öz toparyndaky iň çalt enjam bolup durýar diýip, «Gizmochina» habar berýär.
Smartfon Snapdragon 4 Gen 2 prosessory bilen enjamlaşdyrylan. IPS ekrany 6,88 dýuýmlyk bolup, HD+ durulyga we 120 Gs täzeleniş ýygylygyna eýe. Enjam Android 14 esasly HyperOS interfeýsinde işleýär. Öndüriji Android täzelenmeleriniň iki ýyl, howpsuzlyk täzelenmeleriniň bolsa dört ýyl dowam etjekdigini wada berýär.
Poco M7 5G 5160 mA·sag sygymly batareýa bilen üpjün edilip, 18 Wt zarýad alşy goldaýar (bukjasyndan 33 Wt zarýad beriji çykýar).
Kameralary – 50 MP esasy kamera we 8 MP öňdäki kamera. Enjam IP52 standartyna laýyklykda goralýar.
Şeýle hem smartfonda gapdalky barmak yzy skaneri, USB-C porty we nauşnik üçin ýer bar.
