Xiaomi inçe korpusy, ýokary öndürijiligi we elýeterli bahasy bilen tapawutlanýan täze Redmi Book Pro 2025 noutbuklaryny hödürledi. Hatarda iki model bar: Redmi Book Pro 14 we Redmi Book Pro 16.
Noutbuklaryň ikisi-de ýokary durulykly ekran bilen enjamlaşdyryldy. Kiçi model 120 Gs täzelenme ýygylygy bilen diagonaly 14 dýuým we durulygy 2880 x 1800 piksel bolan ekrana, uly model 3072 x 1920 piksel durulyk we 165 Gs ýygylyk bilen 16 dýuým ekrana eýe boldy.
Noutbuklar 16 ýa-da 32 GB operatiw ýat we 1 TB SSD bilen Intel Core Ultra 5 225H we Core Ultra 7 255H prosessorlarynda işleýär.
Awtonomlyk üçin 80 Wt/sag (14 dýuýmlyk model üçin) we 99 Wt/sag (16 dýuýmlyk üçin) sygymly hem-de 100 Wt we 120 Wt zarýad beriş kuwwatly akkumulýator jogap berýär.
Gurluşyň ýogynlygy 15,9 mm bolup, bu uly batareýaly şeýle kuwwatly noutbuklar üçin örän azdyr. Beýleki aýratynlyklaryň arasynda maglumatlary çalt geçirmek üçin Thunderbolt 4 portlary bar.
Baha 14 dýuýmlyk model üçin 785 dollardan we 16 dýuýmlyk üçin 895 dollardan başlaýar.
