Londonda Brit Awards aýdym-saz baýragynyň gowşurylyş dabarasy geçirildi. Agşamyň esasy ýyldyzy aýdymçy Charli XCX boldy. Ol bäş baýraga, şol sanda esasy “Ýylyň artisti” we “Ýylyň albomy” nominasiýalarynda baýraklara mynasyp boldy. Şeýle üstünligi oňa “Brat” albomy getirdi.
Şeýle-de, ol Billi Aýliş bilen bilelikdäki “Guess” aýdymy üçin “Ýylyň aýdymy” baýragyny aldy. Şonuň bilen birlikde “Tans aýdymyny iň gowy ýerine ýetiriji” kategoriýasynda ýeňiş gazandy. Charli XCX dabaradan öň “Ýylyň awtory” diýlip atlandyrylypdy. Onuň hemişeki egindeşi A.G.Cook “Ýylyň prodýuseri” diýlip yglan edildi.
Ondan tapawutlylykda, dört nominasiýada görkezilendigine garamazdan, Dua Lipa baýraksyz galdy.
Beýleki baýraklar şeýle görnüşde paýlandy:
- “Iň gowy pop artisti” – Jeýd
- “Iň gowy alt/rok artisti” – Sem Fender
- “Dogup barýan ýyldyz” – Maýlz Smit
- “Ýylyň topary” – Ezra Collective
- “Bütindünýä üstünligi” – Sabrina Karpenter
- “Ýylyň halkara aýdymy” – “Good Luck, Babe!” aýdymy üçin Çappell Ron
- “Iň gowy hip-hop artisti” – Stormzy
- “Iň gowy R&B artisti” – Raye
- “Ýylyň halkara topary” – Fontaines D.C.
- “Iň gowy täze artist” – The Last Dinner Party
- “Ýylyň halkara artisti” – Çappell Ron
