Dünýäde iň uly aýsberg A23a ýene-de Britaniýanyň Günorta Georgiýa adasyna ýakynlaşdy. Uly buz bölegi bilen adanyň arasyndaky aralyk bary-ýogy 90 km barabar. Aýsbergiň hereketine Arktika we Antarktida ylmy-gözleg institutynyň alymlary gözegçilik edýär. Delil hökmünde olar hemra suratlaryny hödürledi.
Hünärmenler buz böleginiň hereketine ýerli akymlaryň täsir edýändigini we olaryň buza günbatar tarapdan Günorta Georgiýany aýlanyp geçmäge mümkinçilik berjekdigini belleýär. Ýöne häzirki wagtda bu sebitlerde günbatar ýelleri bilen güýçli siklon bolup, ol hem aýsbergi kenara alyp barýar. Buz we gidrometeorologiýa maglumaty boýunça hünärmen Polina Soloşuk on günde aýsbergiň 200 km geçendigini aýdýar. Dreýfiň ortaça tizligi sagatda 800 m barabar.
Belläp geçsek, 2025-nji ýylyň fewral aýynda A23a adadan 340 km uzaklykdady. Ýöne ol ugruny üýtgetdi. Şondan soň ondan 80 km uzynlykdaky uly buz bölegi bölünip aýryldy. Bu bölege A23b diýlip resmi taýdan at berildi.
