YouTube platformasyndaky podkastlar aýda 1 milliarddan gowrak ulanyjyny özüne çekdi. 2024-nji ýylda ulanyjylar olara aýda 400 million sagatdan köp wagt sarp etdi diýip, platformanyň maglumatlaryna salgylanyp, Variety habar berýär.
Ilkibaşda podkastlar diňe audio görnüşindedi, ýöne wagtyň geçmegi bilen awtorlar wideo hem goşup başlady. YouTube “podkastlara maýa goýumlaryň ödelýändigini” we “wideopodkastlaryň – ýönekeý bir trendden has ýokary zatdygyny” belleýär.
YouTube-da podkastlaryň meşhurlygy 2024-nji ýylyň ortasynda Google Podcasts ýapylandan soň birden artdy. Häzir amerikalylaryň 31%-i olary YouTube-da diňleýär, Spotify ulanyjylaryň 27%-ini, Apple Podcasts bolsa 15%-ini çekýär. Aýdym-saz akym hyzmatlaryndan 675 mln adam peýdalanýar, olardan 240 milliondan gowragy iň bolmanda bir gezek wideopodkast gördi.
YouTube-yň baş müdiri Nil Mohan podkasterler üçin täze gurallary, kämilleşdirilen monetizasiýany we has amatly gözlegi wada berdi.
Ýylyň iň meşhur podkastlarynyň biri Jo Roganyň Donald Tramp bilen interwýusy (56 milliondan gowrak tomaşa) boldy. Şeýle-de, öňdebaryjylaryň hatarynda “Baby, This Is Keke Palmer”, “Lex Fridman Podcast” we “Club Shay Shay” bar.
