Angliýaly aýdymçy Charli XCX (hakyky ady Şarlotta Emma Eýtçison) ýakynda geçiriljek BRIT Awards 2025 dabarasynda “Ýylyň awtory” baýragyny alar. Billboard-yň ýazmagyna görä, bu abraýly baýragy ozal Ed Şiran, Kid Garpun we Ray alypdy.
Mundan başga-da, aýdymçy ýene bäş kategoriýada baýrak üçin dalaş edýär: “Ýylyň artisti”, “Ýylyň albomy”, “Iň gowy tans hiti”, “Iň gowy pop ýerine ýetirijisi” we “Ýylyň aýdymy” (Billi Aýliş bilen bilelikdäki aýdymy – “Guess” üçin).
Şu ýyl ol ähli artistleriň arasynda iň köp nominasiýada dalaşgär görkezilen aýdymçy boldy. Öň, ol 12 ýyllyk karýerasynyň dowamynda iň gowy artist we iň gowy pop ýerine ýetirijisi adyna dalaşgär bolan bolsa-da, bir gezek hem baýrak almandy.
2024-nji ýyl 32 ýaşly Charli XCX üçin ýedinji “Brat” studiýa albomynyň netijesinde üstünlikli boldy. Bu albom tankytçylardan ýokary bahalary alyp, köp sanly neşirler tarapyndan ýylyň iň gowy ýazgylarynyň sanawyna girizildi.
Şu ýyl aýdymçy esasy nominasiýalarda baýrak üçin ýedi BRIT Awards baýragynyň eýesi Dua Lipa, rep ýyldyzy Central Cee we indi-aýdymçysy Sem Fender bilen bäsleşer.
Esasy nominasiýalarda BRIT Awards üçin dalaşgärler:
Ýylyň artisti:
- Beabadoobee
- Central Cee
- Charli XCX
- Dua Lipa
- Fred Again
- Jamie xx
- Maýkl Kiwanuka
- Nia Archives
- Reýçel Çinuriri
- Sem Fender
Ýylyň topary:
- Bring Me The Horizon
- Coldplay
- The Cure
- Ezra Collective
- The Last Dinner Party
Ýylyň albomy:
- Charli XCX - Brat
- The Cure - Songs of A Lost World
- Dua Lipa - Radical Optimism
- Ezra Collective - Dance, No One's Watching
- The Last Dinner Party - Prelude to Ecstasy
Dalaşgärleriň doly sanawyny şu salgy boýunça görüp bilersiňiz.
Bu nominasiýalarda ýeňijileriň atlary 1-nji martda Londondaky O2 arenasynda geçiriljek dabarada belli bolar.
BRIT Awards 2025-i Jek Uaýtholl alyp barar. Sahnada Sabrina Karpenter, Sem Fender, Teddi Suims we Shaboozey çykyş eder.
