Halkara olimpiýa komitetiniň (HOK) Ýerine ýetiriji geňeşi HOK-yň prezidenti Tomas Bahyň guramanyň agzasy wezipesinden gitmegini kabul etdi. Bu barada guramanyň metbugat gullugy habar berýär.
Çözgüt 23-nji iýundan soň güýje girer, şol gün onuň ygtyýarlyklary HOK-yň täze prezidentine geçiriler.
HOK-yň täze başlygynyň saýlawlary 20-nji martda Gresiýada guramanyň 144-nji sessiýasynyň çäklerinde bolar. Bu wezipä ýedi dalaşgär bar.
Ýatlap geçsek, 2024-nji ýylyň awgust aýynda Tomas Bah täze möhlete gaýtadan saýlanmak islemeýändigini aýtdy.
71 ýaşly germaniýaly hünärmen 1991-nji ýyldan bäri HOK-yň agzasydyr, ol 2013-nji ýylda sekiz ýyl möhlet bilen guramanyň başlygy boldy, soňra bu wezipede täze dörtýyllyk möhlet bilen galdy.
Tomas Bah sportçy hökmünde rapiraçylaryň toparlaýyn ýaryşynda 1976-njy ýylyň Olimpiýa oýunlarynyň çempiony we GFR-iň düzüminde topar birinjiliginde 1977-nji ýylyň dünýä çempiony boldy.
