Adobe kompaniýasy Photoshop-yň mobil wersiýasyny hödürledi. Programma ilkibaşda diňe iPhone-lar üçin elýeterli bolar, Android enjamlaryň eýeleri bolsa ony şu ýylyň ahyrynda ulanyp bilerler.
Täze Photoshop gatlaklar, garyşyk tertipler (režimler) we PSD faýllary bilen işlemegi goldaýar. Emma funksiýalaryň köpüsi diňe abunalyk arkaly elýeterli bolar.
Programma esasy redaktirleme gurallaryny öz içine alýar:
- Gatlaklar, maskalar we düzediş gatlaklary bilen işleşmek;
- Saýlamak we obýektleri awtomatiki aýyrmak gurallary;
- Dikeldiji çotga, möhür we beýleki klassiki gurallar;
- PSD faýllaryň goldawy we Adobe Express, Fresco, Lightroom bilen integrasiýa.
Ykjam goşundy sensorlaýyn dolandyryşa uýgunlaşdyryldy, şeýlelikde ol obýektleri çalt saýlamaga mümkinçilik berýär.
Programmada generatiw funksiýalar üçin Firefly AI ulanylýar, şol sanda Generative Fill we Generative Expand ýaly tehnologiýalar hem bar. Bu funksiýalar suratyň mazmunyny üýtgetmäge ýa-da üstüni ýetirmäge ýardam berýär.
Photoshop-yň mugt wersiýasynyň funksiýalary çäkli. Mümkinçilikleriň ählisi abunalyga ýazylanlar ýa-da «Photoshop Mobile we Web» nyrhnamasynyň eýeleri üçin elýeterlidir (aýyna 7,99 dollar ýa-da ýylyna 69,99 dollar). Abunalygyň käbir ýurtlarda elýeterli däldigini hem bellemek gerek.
Programmanyň Android wersiýasynyň haçan çykjakdygy barada takyk sene aýdylmady. Emma onuň tomus ýa-da güýz aýlarynda çykmagyna garaşylýar.
