Asus kompaniýasy dürli ýakymly yslary ýaýradyp bilýän simsiz Fragrance Mouse MD101 kompýuter syçanjygyny hödürledi. Gurluşyň aşaky böleginde ysly ýaglar üçin aýrylyp-dakylýan konteýner ýerleşdirilen diýip, 3DNews habar berýär.
Syçanjyk 2,4 GGs ýygylygy bilen Bluetooth arkaly birikmegi goldaýar. Gurluş G seriýaly oýun modelleri ýaly PTFE-den ýasalan aýaklar bilen üpjün edildi. Ol 1200, 1600 we 2400 DPI derejelerini goldaýar. Kompaniýanyň aýtmagyna görä, syçanjygyň düwmeleri 10 mln gezek basmaga çydamly, ulanylýan bir AA batareýasynyň zarýady bolsa bir ýyl işlemäge ýetýär.
Fragrance Mouse MD101 ak we gülgüne reňklerde hödürlener. Ol Windows, Chrome OS we macOS bilen gabat geler. Onuň çykjak senesi we bahasy heniz yglan edilmedi.
Asus ozal hem ysly enjamlary çykarypdy. 2024-nji ýylda Anna Sui brendi we Adol kompaniýasy bilen hyzmatdaşlykda ysly dispenser bilen üpjün edilen Adol 14 Air Fragrance Edition noutbugy hödürlendi.
