Google Pixel 9a smartfonynyň tanyşdyrylyş dabarasy 19-njy martda geçirilip bilner, ýöne internet torunda smartfony görkezýän wideo eýýäm peýda boldy. Threads sosial ulgamynda ýerleşdirilen gysga wideo gurluşyň daşky dizaýnyny, şol sanda kamera modulyny görkezýär.
Wideoda Pixel 9a “obsidian” reňkinde hödürlenýär, ol nusgawy gara meňzeşdir. Doly tekiz diýen ýaly esasy kamera blogy smartfonyň inçe bolmajakdygyny we Pixel flagman seriýasyndan tapawutlylykda ýönekeý sensorlary alyp biljekdigini aňladyp biler.
Pixel 9a-nyň garaşylýan aýratynlyklary:
- ·Displeý: 6,28 dýuým OLED, iň ýokary ýagtylygy 2700 kd/m2
- ·Çipset: Google Tensor G4 firma prosessory
- ·Ýat: 8 GB operatiw, 128 GB ($499) we 256 GB ($599) içki ýat.
- ·Esasy kamera: 48 MP
- ·Akkumulýator: 5100 mA/sag
- ·OS: Android 15.
Deslapky maglumatlara görä, Pixel 9a-nyň satuwy 26-njy martda başlar. Smartfon flagman modelleriniň has amatly görnüşi bolup, Pixel-iň arzan smartfon hataryny dowam etdirer.
