Mercedes 4 müň dollardan AMG elektrowelosipedini we akylly şlem çykardy

  • 26.02.2025 16:25
  • 8.9k+

Mercedes howply ýol-ulag hadysalarynda sürüp barýan adamyň janyny halas edip biljek akylly şlemli elektrowelosipedi satuwa çykardy.

Mercedes-AMG F1 City Edition 750 elektrowelosipedi skuterden aňsatlyk bilen ozup biler. Onuň 750 Wt kuwwatly hereketlendirijisi tizligi 45 km/sag çenli artdyrýar, geçýän menzili bolsa 112 km barabar. Welosipedi sürmegiň tygşytly “Rahatlykdan” başlap, ýokary tizlikli “Race-e” çenli dört režimi bolup, ol gezelençleriň islendik görnüşi üçin laýyk gelip biler. Rulda nawigator, spidometr we hatda jaň barada habarnamalar bilen 5,5 dýuýmlyk ekran ýerleşýär.
Toplumda öwrüm görkezijileriniň we stop-signalyň roluny ýerine ýetirýän LED çyrasy bilen Mercedes-AMG F1 Team Smart eBike Helmet akylly şlemi bar. Şlem welosiped bilen Bluetooth arkaly aragatnaşyk saklaýar we heläkçilik ýagdaýynda saýlanan kontaktlara ýa-da halas ediş gullugyna awtomatik taýdan gyssagly habar iberýär.
Ygtybarlylyk alýumin ergininden ýasalan çarçuwa, 9 basgançakly Shimano transmissiýasy we Tektro tormozlary bilen üpjün edilýär.
Welosipediň bahasy $4000 bolup, şlem üçin goşmaça $400 tölemeli. Ýewropada satuw eýýäm başlandy.


23.11.2025 21:31
2.7k+

Täze Mercedes-AMG GLC 900 at güýjünden gowrak kuwwaty alar

Mercedes-AMG birnäçe aý mundan ozal tanyşdyrylan GLC elektrik krossoweriniň täze nesliniň öz wersiýasynyň üstünde işleýär. Autocar-yň maglumatlaryna görä, model 900 at güýjüni ýa-da ondan hem köp kuwwaty öndürip biler, bu bolsa ony AMG-nyň häzirki iň güýçli krossoweri edýär...

20.11.2025 11:43
2.7k+

Mercedes ÝB-niň täze ses talaplary sebäpli käbir AMG modelleriniň önümçiligini bes edýär

Mercedes-AMG täze Ýewropa talaplary sebäpli uly üýtgeşmelere taýýarlanýar. 2026-njy ýylyň iýul aýyndan başlap, daşky sesiň rugsat berlen derejesini berkidýän UN-R51.03 "Phase 3" kadalary güýje girýär. Kompaniýanyň içki resminamasynyň syzdyrylmagyna görä, AMG modelleriniň käbiri bu parametrlere laýyk gelmeýär...

14.11.2025 11:23
4.2k+

Mercedes-Benz benzinli hereketlendirijili CLA-nyň peýda bolandygyny mälim etdi

Mercedes-Benz CLA-nyň üçünji nesli şu ýyl ýazda elektrik ulag hökmünde tanyşdyrylyp, Hytaý bazary üçin uzaldylan ýygnama bilen çykypdy. Indi bolsa modeliň benzin bilen işleýän — has takygy, gibrid görnüşi hem elýeterli boldy...

05.11.2025 11:54
6.6k+

“Ýewropada ýylyň awtomobili-2026” baýragynyň finalçylary yglan edildi

Ýewropada “Ýylyň awtomobili” bäsleşiginiň emin agzalary 2026-njy ýylyň baş tituly üçin finalçylary yglan etdi. Gysga sanawa eýýäm ÝB-niň bazarynda elýeterli bolan ýa-da tiz wagtdan satuwa çykjak ýedi täze model girdi...