Mercedes-Benz ýene-de benzin we dizel awtomobillerine ünsi jemlemek isleýär. Bu çözgüt geçen ýyl elektromobil satuwynyň 25% pese gaçmagy bilen baglanyşyklydyr. 2027-nji ýylyň ahyryna çenli kompaniýa içinden ýandyrylýan hereketlendirijili 19 sany täze modeli we 17 elektrokary hödürlär.
Reuters agentliginiň maglumatlaryna görä, awtoöndüriji Germaniýadaky zawodlary ýapmagy meýilleşdirmeýär, ýöne bir modeliň önümçiligini Wengriýa geçirer. Täze ulaglaryň köpüsi premium segmentine degişli bolar.
Mercedes-iň maliýe müdiri Harald Wilgelm benzin we dizel hereketlendirijili awtomobillere bolan islegiň kompaniýa üçin oňyn habardygyny belleýär.
Şeýle-de, awtokonsern elektromobiller we adaty ulaglar üçin dürli dizaýn etmek pikirinden ýüz öwürdi. Indi olar bir umumy stilde ýerine ýetiriler.
