Rep aýdymçysy Dreýk "Daş, gaýçy, kagyz" oýnundan soň, muşdaklarynyň birine 20 müň dollar sowgat etdi. Waka aýdymçynyň Sidneýde (Awstraliýa) konsertiniň dowamynda bolup geçdi.
Çykyş wagtynda Dreýk muşdaklarynyň elinde tutup duran ýazgyly hatyna üns berdi. Ol hatda «Kakamyň doglan gününe maşyn sowgat edip bilerim ýaly, [pula] „Daş, gaýçy, kagyz“ oýnuny oýnaly» diýen teklip ýazylgydy. Repçi muşdagyny golaýyna çagyryp, bu oýunda ony utup bilýänleriň az-azdygyny duýdurdy.
«Bu meň oýnum», – diýip, repçi öwnüp, garşydaşyny dört synanyşygyň dördüsinde hem ýeňdi.
Muňa garamazdan, Dreýk oňa 20 müň dollar sowgat etjekdigini wada edip, «Gaýdyp, meň bilen „Daş, gaýçy, kagyz“ oýnajak diýme. Men utaryn» diýipdir.
