Türkmen döwlet bedenterbiýe we sport instituty XII synp okuwçylaryň arasynda ýaryşlary geçirýär

  • 24.02.2025 17:17
  • 6.2k+

Türkmen döwlet bedenterbiýe we sport instituty Türkmenistanyň umumybilim berýän orta mekdepleriniň we sport mekdeplerinde türgenleşik geçýän XII synp okuwçylaryň arasynda beden taýýarlygy we sport görnüşleri boýunça bäsleşikleriň geçiriljekdigini yglan etdi.

Bäsleşikler şu tertipde we senelerde geçiriler:

  • umumy beden taýýarlygy we sportuň tizlik-güýç alamatly görnüşleri boýunça - 14-15-nji aprel;
  • sportuň oýun görnüşleri boýunça - 16-17-nji aprel;
  • sportuň göreş görnüşleri boýunça - 18-19-nji aprel

Okuwçylar beden taýýarlygynyň möçbernamasynyň hem-de sport  taýýarlygynyň derejesine laýyk gelýän ölçeg kadalarynyň talaplary esasynda bäsleşerler.
Bäsleşige gatnaşmak üçin isleg bildirýänler hasaba alynmak üçin şu salgy boýunça maglumatlary doldurmaly.
Bäsleşigiň ýeňijilerine Türkmen döwlet bedenterbiýe we sport institutyna okuwa girmekde ýeňillikler göz öňünde tutulyp bilner.
Goşmaça maglumatlary www.education.gov.tm we www.tdbsi.edu.tm resmi web saýtlary arkaly alyp bilersiňiz.


07.07.2025 11:53
9.3k+

Zenanlaryň arasynda FIDE-niň Kubogynda Türkmenistandan ilkinji bolup Lala Şöhradowa ýaryşa başlady

Türkmenistandan zenan küştçüler ilkinji gezek zenanlaryň Küşt boýunça Dünýä Kubogyna gatnaşýar. Zenanlaryň arasynda FIDE-niň ussady 19 ýaşly Lala Şöhradowa 2025-nji ýylyň 5–29-njy iýuly aralygynda Batumide (Gruziýa) geçirilýän ýaryşa gatnaşýar...

06.07.2025 14:19
5.6k+

15 ýaşly türkmenistanly dzýudoçy Almatyda kadetleriň arasynda Aziýa Kubogynda bürünç medal aldy

15 ýaşly Käkilik Derýaýewa kadetleriň arasynda geçirilen Aziýa Kubogynda bürünç medal gazandy. Bu halkara ýaryş Gazagystanyň Almaty şäherinde geçirilýär. Türkmenistanly türgen 48 kilogram agram derejesinde çykyş etdi...

06.07.2025 12:11
6.3k+

Aýdogdy Atabaýew IBCA küşt Olimpiadasynda Türkmenistanyň ilkinji medalyny gazandy

FIDЕ-niň ussatlygyna dalaşgär Aýdogdy Atabaýew Görüş ukyby pes küştçüleriň arasynda Bütindünýä küşt olimpiadasynda medal gazanan ilkinji türkmenistanly küştçi boldy. Ol Serbiýanyň Wrnýaçka-Banýa şäherinde geçirilen 17-nji Olimpiadada bürünç medal gazandy...

30.06.2025 19:16
11k+

Türkmenistanly bilýardçy Kadyrberdi Çalyýew halkara ýaryşda bürünç medal gazandy

Türkmenistanly bilýardçy Kadyrberdi Çalyýew «Stawropol ülkesiniň gubernatorynyň kubogy» atly bilýard boýunça halkara Dünýä kubogy ýaryşynda üstünlikli çykyş edip, erkekleriň arasynda bürünç medal gazandy. Ýaryş 23-30-njy iýun aralygynda Stawropolda geçirildi...