Nýu-Jersiniň muzeýinde “Titanigiň” birinji derejeli çilim otagyny bezän altyn lýustra köpçülik üçin hödürlendi. Bu barada New York Post habar berýär.
Agramy 9 kg bolan lýustra 75 ýyllap Atlantik ummanynyň düýbünde ýatdy. Ol 1987-nji ýylda ýokary çykaryldy we hünärmenleriň bellemegine görä, ol gowy saklanypdyr. Artefakt meşhur gämiden 250 töweregi predmeti öz içine alýan ekspozisiýanyň bir bölegi boldy.
Sergi myhmanlara “Titanik” gämisiniň atmosferasyny duýmaga mümkinçilik berýär. Muzeýde gaýtadan dikeldilen interýerleri görmek, gäminiň ugruny yzarlamak we hatda heläkçilik günündäki sowugy duýmak üçin emeli aýsbergi elläp görmek mümkinçiligi hödürlenýär.
Ekspozisiýa bütin dünýäni aýlanýar we mundan öň Bostonda hödürlendi. Oňa eýýäm 35 milliona golaý adam baryp gördi. Jersi-Sitidäki “Liberti” ylmy merkezinde sergi 1-nji sentýabra çenli dowam eder.
