«Türkmenistan Sport» we Türkmen döwlet bedenterbiýe we sport instituty SMS bäsleşigi arkaly «Aýyň türgenini» kesgitlär

  • 23.02.2025 19:35
  • 11k+

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Türkmenistan Sport» teleýaýlymy, Mahabat müdirligi we Türkmen döwlet bedenterbiýe we sport instituty «Aýyň türgeni» atly SMS bäsleşigi yglan etdi.

Her aýyň başynda bäsleşigiň şertleri yglan edilip, aýyň soňky günlerinde bolsa iň köp SMS toplamagy başaran türgen «Aýyň türgeni» adyna mynasyp bolar. “Türkmenistan Sport” teleýaýlymynda bäsleşikli telegepleşigi Türkmen döwlet bedenterbiýe we sport institutynyň sport žurnalistikasy hünäriniň talyby Parahat Mämmetnurow alyp barar we gepleşige Gülendam Berdiýewa redaktorlyk eder.
Bäsleşigiň ilkinji aýynda ýedi sany sport görnüşi - türkmen milli göreşi, guşakly göreş, agyr atletika, dzýudo, kýokşinkaý karate, küşt we kuraş boýunça Türkmen döwlet bedenterbiýe we sport institutynyň halkara ýaryşlarda iň gowy netijeleri görkezen ýedi sany türgeni gatnaşar.
Aýyň dowamynda teletomaşaçylara türgenleriň her biri, olaryň gündelik türgenleşikleri, halkara ýaryşlardaky tutluşyklaryndan taýýarlanan wideorolikler hem-de türgenleriň görkezen iň gowy netijeleri babatdaky maglumatlar ýetiriler.
Türgenlere aýratynlykda tertip belgileri yglan edildi. Bäsleşigiň ýeňijisi diňe tomaşaçylaryň beren SMS sesleriniň netijesinde saýlanar. Bäsleşigiň netijeleri onlaýn usulynda turkmentv.gov.tm resmi web saýty arkaly tomaşaçylar üçin elýeterli bolar.
Bäsleşigiň ýeňijisine gymmat bahaly sowgatlar we hormat hatlary gowşurylar hem-de ol barada ýörite telefilm taýýarlanar.
Türkmen döwlet bedenterbiýe we sport institutynyň halkara ýaryşlarda iň gowy netijeleri görkezen ýedi sany türgenine ses bermäge çagyrýarys.
Ses bermek üçin 0518 belgä aşakdaky türgenlere degişli diňe san belgisini ýazyp ibermek ýeterlik.

  • Şahzadbek Matýakubow – 7
  • Sabina Kadyrowa – 8
  • Nurmuhammet Baýdogdyýew – 9
  • Guwanç Hemraýew – 10
  • Maýsa Pardaýewa – 11
  • Amanmuhammet Hommadow – 12
  • Gülnabat Ýazylowa – 13

düýn 17:40
7.7k+

"Ahal" FK AFC-2 Çempionlar ligasynyň birinji tapgyrynda myhmançylykda 3 utuk gazandy

16-njy sentýabrda AFC-2 Çempionlar ligasynda «Ahal» futbol kluby myhmançylykda toparçalaýyn tapgyrdaky ilkinji duşuşygynda Hindistanyň «Mohun Bagan» toparyna garşy meýdança çykyp, bu topary 1:0 hasap bilen ýeňmegi başardy...

14.09.2025 21:33
12k+

Türkmenistanyň Döwlet baýdagy Ýewropanyň iň beýik nokadyna galdyryldy

«Morinžgeologiýa» hyzmat kärhanalar toparynyň işgärleri Ýewropanyň iň beýik depeleri bolan Elbrus dagynyň günbatar we gündogar belentliklerine çykdylar. Bu belentliklerde alpinistler Türkmenistanyň Garaşsyzlygynyň 34 ýyllygynyň öňüsyrasynda Türkmenistanyň Döwlet baýdagyny galdyrdylar...

13.09.2025 18:02
6.3k+

Türkmen karateçileri Hytaýda Aziýa çempionatynda iki medal gazandylar

Türkmenistanly karateçiler 21 ýaşa çenli ýetginjekleriň we ýaşlaryň arasynda geçirilen 23-nji Aziýa çempionatynda iki sany bürünç medal gazandylar. Ýaryş Hytaýyň Guandun welaýatynyň şäher etrabynda geçirildi diýip, «Türkmenistan: Altyn Asyr» elektron neşiri habar berýär...

13.09.2025 17:21
6.3k+

Türkmen türgenleri Gresiýada geçirilýän jiu-jitsu boýunça çempionatda 8 altyn medal gazandylar

Türkmenistanyň jiu-jitsu boýunça milli ýygyndysy 11–14-nji sentýabr aralygynda Afinada geçirilýän 20-nji Balkan açyk çempionatynda uly üstünlik gazandylar. Ilkinji iki bäsleşik gününde milli ýygyndymyz 21 medal – 8 altyn, 6 kümüş we 7 bürünç medala mynasyp boldy...