Arkadag şäheriniň adybir topary wagtyndan öň Türkmenistanyň Futbol federasiýasynyň Kubogyny eýeledi. Wladimir Baýramowyň topary 21-nji fewralda bäsleşigiň dördünji tapgyrynda “Merw” toparyny 3:0 hasabynda ýeňlişe sezewar etdi.
"Arkadag" FK ýaryşda mümkin bolan 12 utugyň 12-sini hem toplap, ikinji ýerde barýan klublar üçin elýetmez boldy.
TFF-niň Kubogynyň jemleýji 5-nji tapgyrynyň duşuşyklary şu gün, 23-nji fewralda geçiriler: “Şagadam” – “Nebitçi”, “Merw” – “Ahal” hem-de “Aşgabat” – “Arkadag”.
Ähli ýaryşlar Gökdepe etrabynda Babarapda geçirilýär.
