Ford Motor kompaniýasy Amerikanyň Birleşen Ştatlarynda 240 müň 510 sany awtoulagyny yzyna çagyrýandygyny mälim etdi. Munuň sebäbi, howpsuzlyk kemeri bilen bagly ýüze çykyp biljek näsazlykdyr. ABŞ-nyň Milli ýol hereketi howpsuzlygynyň administrasiýasynyň (NHTSA) berýän maglumatlaryna görä, bu näsazlyklar 2020-2021-nji ýyllarda öndürilen «Ford Explorer» we «Ford Aviator» modellerine ýüze çykyp biler.
Näsazlyk howpsuzlyk kemeriniň gysgyjyny berkitmek üçin ulanylýan düwmeleriň dogry gurnalmandygy bilen baglanyşykly. Eger-de bu düwmeler dogry ornaşdyrylmasa, heläkçilik wagtynda kemeriň ygtybarly işlemegini peseldip biler. Netijede sürüji we ýolagçylar üçin şikes ýetirme töwekgelçiligi artyp biler.
Ford kompaniýasy müşderileriň ulaglaryny diler merkezlerine getirip biljekdigini we ol ýerlerde mugt barlaglaryň geçiriljekdigini habar berdi. Eger kemçilik ýüze çykarylsa, degişli bölekler çalşylar diýip, «Reuters» neşiri ýazýar.
