Volkswagen ABŞ-da Atlas ady bilen tanalýan ulagyň täzelenen görnüşi bolan täze Teramont Pro wnedorožnigini resmi taýdan hödürledi diýip, Carbuzz neşiri ýazýar.
Daşky görnüşi has döwrebap we sazlaşykly bolup, kuzowy 5 sm ulaldy, uzynlygy 515 sm-e ýetdi. Şol bir wagtyň özünde beýikligi we ini üýtgemedi diýen ýaly. Üýtgeşmeler multimediýa ekranynyň ulaldylmagynyň hasabyna has minimallaşdyrylan dolandyryş paneliniň dizaýnyna-da täsir etdi. Indi oňa ýolagçy üçin elýeterli ekran goşuldy. Gapy panelleri hem üýtgedildi we goşmaça yşyklandyryş aldy.
VW bortda ýolagçylara kömek üçin DeepSeek AI-niň boljakdygyny nygtaýar. Bu funksiýanyň amerikan wersiýasynda boljagy-bolmajagy belli däl.
Hereketlendiriji babatda aýdylanda, Teramont Pro 268 at güýjüni öndürýän torky 400 Nm bolan täze EA888 turbo görnüşli dört silindrli hereketlendiriji bilen işleýär. Kuwwaty öňki modeliň derejesinde üýtgewsiz galsa-da, torky amerikan Atlasy bilen deňeşdirilende, 29,83 Nm artdy. Bu möhümdir, sebäbi täze modeliň agramy 90 kg artdy.
Täzelenen geçiriş gutusy indi adaty gidrotranformatorly awtomatyň ýerine goşa ssepleniýaly geçiriş ulanýar. ABŞ-da nusgawy transmissiýa galsa gerek.
Teramont Pro 2025-nji ýylyň ahyryna çenli satuwa çykarylar we ýakyn wagtda bolsa Atlas modeline hem gowulaşma girizilmegine garaşylýar.
