Günorta Koreýanyň Blackpink topary dünýä boýunça konsert syýahatyny yglan etdi. Ol 2025-nji ýylyň iýul aýynda başlap, 2026-njy ýylyň başynda Tokioda tamamlanar.
Ilkinji konsertler Seulyň etegindäki Koýan şäheriniň stadionynda geçiriler. Şondan soň gyzlar topary ABŞ-a ugrap, Los-Anjelesde we Çikagoda çykyş eder.
Şeýle-de, aýdymçylar Kanadanyň Toronto, Amerikanyň Nýu-Ýork, Fransiýanyň Pariž, Italiýanyň Milan, Ispaniýanyň Barselona we Britaniýanyň London şäherinde öz konsertlerini berer.
Blackpink-iň sahna gaýdyp gelmegi toparyň muşdaklaryny geň galdyrdy. Çünki, soňky döwürde toparyň agzalary solo karýerasy bilen meşgullanypdy. Blackpink-iň soňky konsert syýahaty 2023-nji ýylda boldy we oňa 1,8 milliondan gowrak tomaşaçy gatnaşdy.
Blackpink Günorta Koreýanyň 2016-njy ýylda döredilen gyzlar topary bolup, onuň düzümine aýdymçylar Roze, Jenni, Jis we Lisa girýär. Gyzlaryň her biri 2024-2025-nji ýyllarda öz albomyny çykardy: “Rosie”, “Amortage”, “Alter Ego” we “Ruby”.
