The New York Times gazetiniň ýolbaşçylygy materiallary redaktirlemek, gürrüň bermek, programmirlemek we döretmek üçin emeli aň tehnologiýalarynyň ulanylmagyny makullady. Gazet işgärlere täze gural bilen işlemegi öwreder diýip, The Verge habar berýär.
Içerki resminamalara görä, EA tekstleri redaktirlemek, sosial ulgamlarda anonslary ýazmak we SEO sözbaşylaryny döretmek üçin ulanylar. Mundan başga-da, tehnologiýalar ýygy-ýygydan berilýän soraglara jogap taýýarlamaga we interwýu üçin soraglary düzmäge kömek eder.
Şeýle-de bolsa, EA tehnologiýasyndan peýdalanmakda käbir çäklendirmeler bar. Žurnalistlere “makalanyň garalamasyny döretmek ýa-da ony düýpgöter üýtgetmek”, tölegli materiallara elýeterli bolmak, awtorlyk hukugy tarapyndan goralan kontenti ulanmak we degişli bellik goýulmazdan multimedia materiallaryny döretmek üçin ulanmak gadagan edilýär.
Bu ugurda gazet işgärleriniň okuwy EA gurallaryny ulanmak boýunça sapaklary öz içine alar, bu hem redaksion işiň netijeliligini ýokarlandyrmaga kömek eder. Bu täze tehnologiýalary adaty metbugata ornaşdyrmak üçin möhüm ädimdir.
