«Motor1» neşiriniň habaryna görä, Toyota kompaniýasy şu ýylyň oktýabr aýynda Corolla Axio E160 sedanynyň we Corolla Fielder E160 uniwersalynyň önümçiligini bes eder.
Bu modeller 2012-nji ýyldan bäri öndürilýärdi. Olar benzinli we gibrid hereketlendirijiler bilen üpjün edilip, esasan Ýaponiýanyň bazary üçin niýetlenýärdi. Şeýle-de bu ulaglar başga ýurtlarda hem, esasanam Uzak Gündogarda giňden ulanylýardy. Corolla Fielder uniwersaly esasanam uly göwrümli bagažy bilen sürüjileriň arasynda meşhurlyk gazandy.
Şeýle-de bolsa Toyota bu modelleriň önümçiligini bes etmek kararyna geldi. Munuň esasy sebäbi, kompaniýanyň model hataryny täzelemek we häzirki zaman platformalara geçmek baradaky meýilnamasy bilen baglanyşyklydyr.
