Daniýanyň Bjarke Ingels Group (BIG) býurosy Priştinada (Kosowoda) gurulmagy meýilleşdirilýän opera we balet teatrynyň taslamasyny görkezdi. Onuň tapawutly aýratynlygy tubletadan – albanlaryň milli ýubkasyndan ylhamlanan tolkun şekilli üçegi bolar diýip, Global Construction Review ýazýar.
Taslama Kosowonyň ALB-Architect studiýasy bilen hyzmatdaşlykda işlenip düzüldi. Meýdany 42,4 müň inedördül metr bolan bu binada 1200 orunlyk konsert zaly, 1000 orunlyk tomaşa zaly, 300 orunlyk kiçi zal, şeýle hem konferensiýa we bilim merkezleri ýerleşdiriler.
Binanyň fasadlaryny aýnadan, bezegini we desgalaryň bir bölegini agaçdan ýasamak meýilleşdirilýär. Üçek energiýa sarp edilişini tygşytlajak Gün panelleri bilen üpjün ediler.
BIG býurosynyň esaslandyryjysy Býarke Ingels: "Bu sungatyň ösmegine şeýle uly goşant goşan ýurt üçin täze sungat merkeziniň taslamasyny işläp düzmek biziň üçin uly abraýdyr" - diýdi. Ol binagärleriň “çeper eserleri öndürýän zawod” döretmek isländiklerini aýtdy.
