Perplexity kompaniýasy düýpli seljeriş resminamalaryny çalt döredip bilýän, AI bilen işleýän Deep Research platformasyny çykardy. Onuň esasy artykmaçlygy AI hyzmatlar bazarynda düýpli öwrülişik edip biljek elýeterli bahasydyr.
Deep Research-iň peýda bolmagy bilen AI önümleriniň bahasynyň ýokarydygy baradaky mesele äşgär bolýar. Anthropic we OpenAI ýaly bäsdeşler aýda müňlerçe dollar alýan wagtynda, Perplexity günde 5 mugt talaby we Pro-nyň ulanyjylary üçin aýda bary-ýogy 20 dollara 500-e çenli talaby hödürleýär. VentureBeat-iň hünärmenleriniň pikirine görä, bu esasy oýunçylary nyrh syýasatlaryna täzeden garamaga mejbur eder.
Kompaniýalaryň IT-e maýa goýumlaryny artdyrmagy meýilleşdirýändiklerine garamazdan, Deep Research elýeterli bahadan şuňa meňzeş funksiýalary hödürlemek bilen, munuň üçin uly çykdajy etmegiň maksada laýyklygyny şübhe astynda goýýar.
Deep Research haýran galdyryjy takyklygy görkezýär: SimpleQA-da 93,9% we Humanity’s Last Exam-de 20,5%, hatda Google Gemini Thinking ýaly modellerden hem üstündir.
