Blue Ghost Aýyň orbitasyna girdi. Modul ilkinji suratlary iberdi

  • 17.02.2025 14:51
  • 2.4k+

NASA-nyň goldaw bermeginde Firefly Aerospace hususy kompaniýasy tarapyndan işlenip düzülen Blue Ghost gonuş Aý moduly Aýyň orbitasyna üstünlikli girdi.

Apparat hereketlendirijilerini işletmek arkaly öwrüm edip, hemranyň orbitasyna girdi, bu proses 4 minut 15 sekunt dowam etdi.
Orbita girensoň, apparat Ýere Aýyň suratlaryny iberdi. Şolaryň esasynda Firefly Aerospace gysga wideo döretdi.
16 günüň dowamynda modul töwerekläp aýlanmak üçin orbitasyny sazlar. 2-nji martda Çökgünlikler deňzi sebitine gonmaga synanyşar diýlip garaşylýar.
Blue Ghost NASA-nyň goldaw bermeginde, CLPS (Commercial Lunar Payload Services) programmasy boýunça Aýa ylmy gurallary eltmek maksady bilen döredildi. Missiýanyň esasy maksady - regoliti we Gün ýeliniň Ýeriň magnit meýdanyna edýän täsirini öwrenmek. Apparatyň äkitjek gurallarynyň arasynda rentgen teleskopy, termo datçikli kiçijik buraw, regolitiň dürli materiallara ýelmeşişini bahalandyrmak üçin synag materiallary, dürli üstleri galtaşmazdan Aý tozanyndan arassalamagyň mümkinçiliklerini öwrenmek üçin elektrik meýdany generatory, synag kompýuteri we GPS-resiweri bar.
Bu missiýa 60 gün, Aý gijesi başlanýança dowam eder. Ahyrda apparat Günüň ýaşyşynyň suratyny iberer.


düýn 23:44
545

SpaceX-iň köp gezeklik Falcon 9 raketasy 30-njy uçuşyny amala aşyrdy

28-nji awgustda SpaceX kompaniýasy Falcon 9 raketasyny üstünlikli uçurdy – ol Ýere golaý orbita Starlink internet aragatnaşyk ulgamynyň täze hemralaryny çykardy. Raketanyň B1067 belgili birinji köp gezeklik basgançagy uçuşdan soň Ýere gaýdyp geldi we eýýäm 30-njy gezek Atlantika ummanyndaky ýüzýän platformada asuda gondy...

düýn 12:21
3.7k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

düýn 07:19
4.8k+

Iň güýçli Gün teleskopy rekord jikme-jiklik bilen koronal arkalaryny surata aldy

Astronomlar Deniel K. Inoue Gün teleskopynyň (DKIST) kömegi bilen Gündäki alawlamanyň jikme-jik suratyny aldy. Milli Gün obserwatoriýasynyň (NSO) hünärmenleri 2024-nji ýylyň 8-nji awgustynda bütindünýä wagty boýunça 20:12-de bolup geçen X1...

27.08.2025 11:42
2.3k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...