Telegram wideopleýeri täzeläp, köp sanly täze funksiýalary goşdy. Bu barada messenjeriň blogunda habar berilýär.
Indi wideopleýerde islendik kadry ulanyp, wideo üçin daşlyk goýmak bolýar. Şeýle-de, wideoredaktorynda wideolara tekst, emoji, stiker we beýleki elementleri goşup bolýar. Munuň üçin wideony wideoredaktorda açmaly, ýokarky burçdaky üç nokada basyp, “Daşlygy üýtgetmek” ýazgysyny saýlamaly.
Täze aýratynlyk taýmkoddan tomaşa edip başlamak üçin, bellibir pursatdan wideo salgylanmalaryny paýlaşmaga mümkinçilik berýär. Şeýle-de, pleýer indi togtadylan ýeri ýatda saklap, tomaşany şol bir ýerden dowam etdirmäge mümkinçilik berýär.
2019-njy ýyldan bäri Telegram-da wideo üçin habara bellibir pursatdan görkezip başlamak üçin wagt belligini goşup bolýardy. Indi bolsa bu aýratynlygy salgylanmalar arkaly paýlaşmak mümkinçiligi peýda boldy. Şeýle salgylanma boýunça geçilende, Telegram-da wideo görkezilen wagtdan başlar.
Telegram-da gözlegleriň netijesinde ulanyjylar tarapyndan döredilen millionlarça stikerler we emojiler elýeterli boldy. Diňe “gussaly pişik” ýa-da “robot-sazanda” ýaly esasy sözleri girizmek ýeterlik we gerek şekiller penjirede peýda bolar. Stikerleri we emojileri gözlemekde 29 dilde esasy sözler boýunça şekilleri saýlaýan EA kömek edýär.
Mundan başga-da, ulanyjylar diňe bir öz adyndan däl, eýsem kanalyň adyndan ýyldyz reaksiýalaryny goýup biler. Bu kontenti ösdürmäge we postlaryň köp görülmegine kömek edýär.
Täzelenmede botlaryň profili-de kämilleşdirildi, indi olarda meňzeş botlar görkezilýär. Bu funksiýa beýleki täzelenmeleriň sanawyna goşuldy we Telegram eýýäm indiki kämilleşdirmeleriň üstünde işleýär.
