12-nji fewralda «Ýandeks» rus internet gözleg brauzeri baş sahypasynyň iş stoly we mobil görnüşiniň täzelenendigini habar berdi. Bu «Ýandeksiň» baş sahypasynyň dizaýny boýunça soňky iki ýylyň dowamynda edilen ilkinji uly üýtgeşme boldy diýip, «TASS» agentligi habar berýär.
«Baş sahypanyň dizaýny has minimalistik boldy, indi diňe çal, ak we gyzyl reňkler ulanylýar. Gözleg setiri has sadalaşdyryldy we sary kenarlary aýryldy. Howa maglumaty we walýuta görkezijileriniň nyşanlary birleşdirildi, “Ýandeks” logotipi bolsa sahypanyň burçundan gözleg setirine geçirildi» diýip, «Ýandeksiň» wekili üýtgeşmeler barada aýdyp berdi.
2022-nji ýylyň 12-nji sentýabrynda «Ýandeks», VK bilen baglaşylan şertnama laýyklykda, «Dzen» we «Täzelikler» bölümlerini satandan soň, yandex.ru sahypasyny dzen.ru sahypasyna ugrukdyryp başlady. «Ýandeks» üçin täze baş sahypa ya.ru boldy. Mundan öň şol sahypada diňe gözleg setiri we «Найти» (Gözle) düwmesi bolan minimalistik interfeýs bardy. Hatda kompaniýa bir wagtlar bu sahypadan artykmaç zatlaryň ählisini aýyrmak üçin bäsleşik yglan edipdi. Bäsleşigiň ýeňijisi bolsa «Найти!» düwmesindäki ýüzlenme belgisinden dynmagy teklip eden ulanyjy bolupdy.
