Asus kompaniýasy Hytaýda ZenBook 14 Air Snapdragon Edition noutbugynyň satuwynyň başlajakdygyny bildiriş etdi diýip, Gizmochina habar berdi.
Modeliň esasy aýratynlyklary: agramy ýeňil (960 gram), 22 sagatlap awtonom işläp bilýär we 120 Hz täzelenme tizlikli 14 dýuýmlyk 2.8K OLED displeýi bar. Durulygy: 2880×1800 piksel.
Noutbugyň esasy wersiýasy 4nm tehnologiýa prosesi esasynda gurlan we AI işinde 45 TOPS öndürijiligi bolan 8 ýadroly Qualcomm Snapdragon X prosessory bilen enjamlaşdyrylan, şeýle hem çynlakaý ofis işi we 4K formatdaky wideony göwnejaý görmek üçin amatly.
Ulgamyň çalt işlemegini gurlan 32GB LPDDR5X RAM we 1TB-lyk PCIe 4.0 interfeýsli SSD maglumat toplaýjysy üpjün edýär.
Noutbukda berkligi we teksturany ýokarlandyrmak üçin keramiki alýumin material peýdalanylýar.
Noutbuk 14-nji fewralda arzanladyş bilen 5999 ýuandan (häzirki walýuta hümmetinde, takmynan, 815 dollar) Hytaýda satuwa çykarylar. Kompýuteriň arzanladyşsyz bahasy 7499 ýuan (takmynan, 1020 dollar).
