Samsung öz geljekki smartfonlarynda kremniý-uglerod akkumulýatorlaryny ulanmak mümkinçiligini gözden geçirýär. Bu batareýanyň sygymyny ep-esli artdyrmaga mümkinçilik berer diýip, Fnnews koreý çeşmesi ýazýar.
Eger häzir Galaxy S25 modellerinde 4000-5000 mA/sag sygymly akkumulýatorlar ulanylýan bolsa, kompaniýa Galaxy S26-da 6000-7000 mA/sag sygymly batareýalary oturdyp biler.
Çeşmäniň maglumatlaryna görä, kremniý-uglerod akkumulýatorlary litiý-ion batareýalaryndan has uly sygymy we has ýokary zarýad beriş kuwwatyny hödürleýär.
Bu ädim Samsung kompaniýasyna öz flagman gurluşlarynda akkumulýatoryň sygymyny işjeň artdyrýan hytaý öndürijileriniň yzyndan ýetmäge mümkinçilik berer.
